နိုင်ငံကူးလက်မှတ်ပြုလုပ်ရာတွင် ပွဲစားများနှင့်ပေါင်း၍ လိမ်လည်ခဲ့သည့် ရဲတပ်ဖွဲ့ဝင်အချို့ကို ပြင်းထန်စွာ အရေးယူခဲ့ကြောင်း ပြည်ထဲရေး ဒုဝန်ကြီးပြော


မြန်မာနိုင်ငံကူးလက်မှတ်ပြုလုပ်ရာတွင် ပွဲစားများနှင့်ပေါင်း၍ လိမ်လည်မှုကျူးလွန်ခဲ့သည့် ရဲတပ်ဖွဲ့ဝင်အချို့ကို ပြင်းထန်စွာအရေးယူခဲ့ကြောင်း ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်ချုပ်အောင်စိုးက ပြောသည်။


ဖေဖော်ဝါရီ ၁၅ ရက်က ကျင်းပသည့် ပြည်သူ့လွှတ်တော်အစည်းအဝေးတွင် ဗိုလ်တထောင်မြို့နယ် ပြည်သူ့လွှတ်တော်ကိုယ်စားလှယ် ဒေါ်မြင့်မြင့်စိုး (ခ) ဒေါ်မေစိုး မေးမြန်းသည့် ရန်ကုန်မြို့ ဗဟန်းမြို့နယ်ရှိ နိုင်ငံကူးလက်မှတ်ထုတ်ပေးရေးရုံးတွင် အမျိုးအစား ၇ မျိုးခွဲခြား၍ တိုကင်စနစ်ဖြင့် ဆောင်ရွက်ပေးရန် လာရောက်ဆောင်ရွက်သူများအား မှတ်ပုံတင်မူရင်း အိမ်ထောင်စုဇယားမှန်ကန်ပါက ရုံးအတွင်းဝင်ရောက်ဆောင်ရွက်ရာတွင် နေရာအခက်အခဲမရှိအောင် ဆောင်ရွက်ပေးရန် အစီအစဉ်ရှိ၊ မရှိနှင့်ပတ်သက်သည့် မေးခွန်းကို ပြန်လည်ဖြေကြားရာတွင် ဒုဝန်ကြီးက ထည့်သွင်းပြောကြားခဲ့ခြင်း ဖြစ်သည်။


''၂၀၁၅ ခုနှစ်နဲ့ ၂၀၁၆ ခုနှစ်အတွင်း သာမန်နိုင်ငံကူးလက်မှတ်လျှောက်ထားသူများထံမှ ငွေကြေးလိမ်လည်ခဲ့မှုများကို တိုင်ကြားခဲ့ခြင်းမရှိသော်လည်း ၂၀၁၇ ခုနှစ်အတွင်းမှာ လိမ်လည်မှု နှစ်မှုဖြစ်ပွားခဲ့တဲ့အတွက် ဗဟန်းမြို့နယ် ရဲစခန်းမှာ အမှုဖွင့် စုံစမ်းဆောင်ရွက်လျက်ရှိတဲ့အပြင် ပါဝင်ပတ် သက်ခဲ့ခြင်းရှိတဲ့ တပ်ဖွဲ့ဝင်အချို့ကိုလည်း အရေးယူဆောင်ရွက်ခဲ့ကြောင်း၊ ရန်ကုန်မြို့ရှိ နိုင်ငံကူးလက်မှတ်ထုတ်ပေးရေးရုံးတွင် ပြည်သူများအနေဖြင့် ပွဲစားများ၏ လိမ်လည်မှုကိုခံနေရကြောင်း ဒေါ်မေစိုးက ပြောသည်။


''အချိန်ကြာမြင့်စွာ စောင့်ဆိုင်းနေရသောကြောင့် ပွဲစားများ၏ ဖြားယောင်းလိမ်လည်ခြင်းအပေါ် ယုံကြည်စွာလက်ခံ၍ အချိန်ကုန်သက်သာစေရန် အလွယ်တကူ အလိမ်ခံနေကြရပါတယ်။ ယခုအခါ ပွဲစား များထဲတွင် မိမိတို့တပ်ဖွဲ့ဝင်များပါ ပါဝင်ခြင်းများရှိခြင်း၊ ပွဲစားများမှာ ပေါ်ပေါ်ထင်ထင် ဈေးစကားပြော၍ နေရာကျော်ဝင်ခြင်း၊ ဖြတ်ဝင်ခြင်း၊ တပ်ဖွဲ့ဝင်များ၏ အမည်များကို အလွဲသုံးစားလုပ်၍ စာအုပ်နေ့ချင်းရမည်၊ ချက်ချင်းရမည်ဟုဆိုပြီး နည်းလမ်းမျိုးစုံဖြင့် လုပ်စားနေသည်ကို ထိထိရောက်ရောက် အရေးယူနိုင်ရန် လိုအပ်ပါတယ်'' ဟု ၎င်းက ပြောကြားခဲ့သည်။


ကိုယ်တိုင်လာရောက်နိုင်ခြင်းမရှိသည့် အသက် ၆၀ ကျော်နှင့်အထက် သက်ကြီးရွယ်အိုများ၊ ဆေးရုံဆေးခန်းများတွင် ဆေးဝါးကုသမှု ခံယူနေသူများကို အိမ်တိုင်ရာရောက်(Home Service)အစီအစဉ်ဖြင့် ဆောင်ရွက်ပေးလျက်ရှိပါကြောင်း၊ လက်ရှိ ဆောင်ရွက်ပေးလျက်ရှိသည့် သာမန်နိုင်ငံကူးလက်မှတ် ၇ မျိုး လျှောက်ထားထုတ်ပေးမှု လုပ်ငန်းစဉ်များအရ မည်သည့်သာမန် နိုင်ငံကူးလက်မှတ်အမျိုးအစားဖြစ်စေ လာရောက်လျှောက်ထားသူများအနေဖြင့် ကိုယ်ရေးအချက်အလက်၊ လျှောက်လွှာပုံစံ ရယူဖြည့်စွက်ပြီး လူဝင်မှုကြီးကြပ်ရေးကောင်တာ (သို့မဟုတ်) သက်တမ်းတိုးကောင်တာများတွင် နိုင်ငံသားစစ်ဆေးရေးကတ် နှင့် အိမ်ထောင်စုစာရင်းတို့ဖြင့် နိုင်ငံသားစိစစ်မှုခံယူခြင်း၊ လက်ဗွေနှိပ်ခြင်း၊  Webcam ဖြင့် မှတ်တမ်းဓာတ်ပုံရယူခြင်း၊ လုပ်ငန်းများကို လုပ်ငန်းတူဆောင်ရွက်ရခြင်း၊ လျှောက်ထားရသည့် အမျိုးအစားအလိုက် လျှောက်ထားမှု ဦးရေအမျိုးအစားမညီမျှခြင်းနှင့် သာမန်နိုင်ငံကူးလက်မှတ်လျှောက် ထားသူများအနက် ရဟန်းသံဃာများ၊ သက်ကြီးရွယ်အိုများနှင့် ကျန်းမာရေးအရ လိုအပ်ချက်ရှိသူများကို သီးခြားအစီအစဉ်တရပ်ဖြင့် ဆောင်ရွက်ပေးလျက်ရှိသည့်အတွက် သာမန်နိုင်ငံကူးလက်မှတ်အမျိုးအစား ၇ မျိုးကို ခွဲခြားပြီး တုံကင်စနစ်ဖြင့် ဆောင်ရွက်ပေးနိုင်ခြင်းမရှိသေးကြောင်း ဗိုလ်ချုပ်အောင်စိုးက ပြန်လည်ဖြေကြားခဲ့သည်။


သာမန် မြန်မာနိုင်ငံကူး လက်မှတ် ၇ မျိုးမှာ အလည်၊ အလုပ်၊ ကျောင်းတက်၊ စီးပွားရေး၊ ဘာသာရေး၊ မှီခိုနှင့် သင်္ဘောသားတို့ ဖြစ်သည်။      


နန္ဒမျိုးဆောင်